FESTIVAL FIN DE CURSO ALUCINE

 

Despedimos o proxecto cun vídeo resumo que elaborou o Equipo de TICS das actuacións para ás familias no patio semicuberto do colexio o derradeiro día lectivo. Grazas a todos e todas por asistir ao noso Festival de Alucine.

FILMTRAILER DAS NOSAS PELIS FAVORITAS

 

O alumnado de 4º A de Educación Primaria gravaron no Croma este Filmtrailer para falar das súas películas favoritas. Preme na imaxe para velo.

TAREFAS FINAIS DE EDUCACIÓN INFANTIL- VIDEOS MUSICAIS

 

O musical de 4º Infantil

O musical de 5º Infantil

O musical de 6º Infantil

TAREFAS FINAIS DE 3º CICLO DOCUMENTAIS "DETRÁS DAS CÁMARAS"

O alumnado de 5º e 6º de Educación Primaria estiveron investigando sobre as profesións das persoas que traballan detrás das cámaras. Logo crearon estes fabulosos documentais. Noraboa polo traballo!

DOCUMENTAL DE 5º- PRIMARIA

DOCUMENTAL DE 6ºA- PRIMARIA

                                                    DOCUMENTAL DE 6ºB- PRIMARIA

TAREFAS FINAIS 2º CICLO- ED. PRIMARIA - DOBRAXE

Os nenos e nenas de 3º e 4º de Educación Primaria fixeron como tarefa final do proxecto dobraxes de películas. Primeiro houbo que visionar e analizar os seus diálogos e identificar a linguaxe sexista. O seguinte paso foi elaborar guións novos con linguaxes non sexistas e inclusivos. Finalmente fixeron as gravacións cos ipads da biblioteca e "bualá"... aquí tedes o resultado. 

Realmente son unhas dobraxes increíbles.

Sodes capaces de adiviñar que compañeiro ou compañeira lle pon voz ás personaxes?

Dobraxes de 3º

Dobraxes de 4ºA

Dobraxes 4º B

TAREFAS FINAIS DO 1º CICLO EDUCACIÓN PRIMARIA

Os nenos e nenas de 1º e 2º de Educación Primaria investigaron diferentes xéneros do cinema para elaborar como tarefa final do proxecto as súas propias curtametraxes, dramatizando escenas e vivenciando emocións e sentimentos: cinema de terror (medos), policíaco (inquietude), acción (angustia), comedia (ledicia), ciencia ficción (sorpresa), fantástico (asombro)...

Esta tarefa implicou a aprendizaxe dos pasos para facer unha película. Partindo das emocións, atoparon os xéneros que nos fan sentir.  A partir de aí, buscaron escenas repetidas en diferentes películas que sintetizan moi ben dita emoción, como a desactivación dunha bomba nunha película de acción, que nos fai sentir inquedanza, angustia ou ansiedade. Despois contestaron ás preguntas básicas: que, cando, onde, quen... e traballaron localización, vestuario, atrezzo e diálogos.

O seguinte paso foi ensaiar e gravar as escenas. Foi un traballo moi divertido e motivador co que o alumnado tomou conciencia da importancia das emocións na nosa vida e de como podemos facer sentir cousas aos demais a través da expresión, neste caso, audiovisual.

Saberías dicir a que xénero pertencen as seguintes curtas?

MOSQUEATTI & PREGUNTONNI

AS BRUXAS DE ZUMARRALARDIA

FANTÁSTIC BOOMBÁSTIC 1

FANTÁTIC BOOMBÁSTIC 2

CINE MUDO e COMEDIA

VIDEO MUSICAL VIDA DE DON FRANCISCO DEL RIEGO- LETRAS GALEGAS 2023

 

Video musical creado polo alumnado de 4º B- Primaria sobre a vida de Don Francisco del Riego, homenaxeado no Día das Letras Galegas 2023.

LIBRO DE 101 DÁLMATAS- 6º INFANTIL

 

O alumnado de 6º de Ed. Infantil realizou un libro sobre a película que estiveron a investigar neste curso: 101 Dálmatas. 

Para ver todas as páxinas deste fabuloso traballo preme na imaxe.

Xogo do Pasapalabra sobre Cinema

O alumnado de 4º A -Primaria elaborou o xogo do Pasapalabra con preguntas sobre o Cine en dous niveis diferentes (preguntas para Infantil e 1º Ciclo e outra tanda de preguntas para Primaria).

Nas últimas semanas foron pasando polas clases que querían participar e gravaron diferentes programas. 

Aquí vos deixamos unha pequena mostra. Preme nas imaxes.

 

INVESTIGACIÓN SOBRE PERSONAXES VERTEBRADOS E INVERTEBRADOS

O alumnado de 4º de Educación Primaria realizou un traballo de investigación e clasificación de animais vertebrados e invertebrados a partir dos protagonistas das súas películas e series favoritas.

Como resultado final elaboraron este mural para a súa porta da aula.

HISTORIA DUNHA SOBREIRA, UNHA PELÍCULA DO CLUB DE LECTURA

O alumnado do Club de lectura de 5º e 6º de Educación Primaria fixo esta película a partir dunha das lecturas que fixeron neste curso: Historia dunha sobreira (Obra de teatro de Ramón Caride). No primeiro trimestre leron todos xuntos a obra, logo estudaron o reparto de papeis e as adaptacións do guión para a creación da película (eliminando o Acto II e modificando algunhas frases para que dera tempo a rematar) e no terceiro trimestre que veu o bo tempo e a árbore do patio xa tiña algo de verde realizáronse as gravacións. Foi unha tarefa complicada (erros na memorización dos guións, nervios, ruídos de ambulancias, obras nas rúas preto do colexio, o vento, un helicóptero sobrevoando o patio, problemas técnicos co micro...pero ó final conseguiron rematala.

 

NA PEL DO RESTO, UNHA PELÍCULA DO EQUIPO DE BIBLIOTECA CREATIVA DE 6º- PRIMARIA

O alumnado de 6º de Educación Primaria fixo a súa primeira película, onde os membros voluntarios do equipo de Biblioteca Creativa crearon o guión, fixeron reparto de papeis, uns foron directores, outros cámaras, guionistas e todo o que require unha montaxe coma esta. Disfrutade da peli! 

 

XOGOS DE ORIENTACIÓN EN EDUCACIÓN FÍSICA

 

O alumnado de 3º e 4º de Ed. Primaria fixeron unha carreira de orientación na clase de Educación Física. Cada equipo tiña que atopar polo patio as pezas dun puzzle (que era a imaxe dunha película) seguindo as indicacións dos puntos marcados nun mapa do colexio. Preme na imaxe para ver a galería de fotos.